NEET/JEE/GUJCET માટે કોચિંગ વર્ગ સહાય યોજના

સરકારી યોજના

SC વિદ્યાર્થીઓ માટે NEET/JEE/GUJCET કોચિંગ ક્લાસ સહાય યોજના

આ યોજના અનુસૂચિત જાતિના વિદ્યાર્થીઓને મેડિકલ અને એન્જિનિયરિંગ પ્રવેશ માટેની GUJCET/NEET/JEE જેવી પૂર્વ પરીક્ષાની તૈયારી માટે વધુમાં વધુ રૂ. 20,000/- સુધીની સહાય પૂરી પાડે છે. યોજના શરૂ થયાનું વર્ષ: 2014-15

યોજનાના નિયમો અને શરતો

  • વિદ્યાર્થીએ ઈ-સામાજ કલ્યાણ પોર્ટલ પર ઓનલાઇન અરજી કરી, સંબંધિત જિલ્લા નાયબ નિયામકશ્રી પાસેથી પ્રાથમિક મંજૂરી મેળવ્યા પછી જ તાલીમ વર્ગમાં પ્રવેશ મેળવવો પડશે.
  • તાલીમ પૂર્ણ થયા બાદ, તાલીમ સહાય મેળવવા માટે પુનઃ ઓનલાઇન અરજી કરવી પડશે.
  • “તાલીમ સંતોષકારક રીતે પૂર્ણ થયા અંગેનું તાલીમી સંસ્થાનું પ્રમાણપત્ર” અને “ફી ભર્યાની પહોંચ” અપલોડ કરવી પડશે.
  • બાયોમેટ્રિક (ફિંગરપ્રિંટ) હાજરીની હાર્ડ કોપી જિલ્લાકચેરીમાં જમા કરાવવી પડશે.
  • પાત્રતા ધરાવતા વિદ્યાર્થીઓને નિયમો મુજબ DBT માધ્યમ દ્વારા તાલીમ સહાય ચૂકવવામાં આવશે.
  • વિદ્યાર્થીએ પોતાની પરીક્ષા માહિતી સમયાંતરે નાયબ નિયામકશ્રી, અનુસૂચિત જાતિ કલ્યાણને મોકલવી ફરજિયાત છે.

વિદ્યાર્થીના પાત્રતા ધોરણો

  • વિદ્યાર્થી અનુસૂચિત જાતિનો હોવો જોઈએ.
  • ધોરણ-10માં 70% કે તેથી વધુ ગુણ મેળવેલા હોવા જોઈએ.
  • ધોરણ-12 વિજ્ઞાનપ્રવાહમાં અભ્યાસ કરતો હોવો જોઈએ.

સંસ્થા પસંદગી ધોરણો

  • સંસ્થા 3 વર્ષ કરતા વધુ સમયથી કાર્યરત હોવી જોઈએ.
  • GST નંબર / PAN CARD ધરાવતી હોવી જોઈએ.
  • બાયોમેટ્રિક હાજરી માટે મશીન ઉપલબ્ધ હોવું જોઈએ.
  • સંસ્થાની નોંધણી કોઈ એક અધિનિયમ હેઠળ થયેલી હોવી જોઈએ:
    • મુંબઈ જાહેર ટ્રસ્ટ અધિનિયમ, 1950
    • કંપની અધિનિયમ, 1956
    • શોપ એન્ડ એસ્ટાબ્લિશમેન્ટ એક્ટ, 1948
  • NEET/JEE માટે સંસ્થામાં M.Sc. ડિગ્રી ધરાવતી ફેકલ્ટી હોવી જોઈએ.

જરૂરી દસ્તાવેજો

  • વિદ્યાર્થીના જાતિ પ્રમાણપત્રની નકલ
  • વિદ્યાર્થીનું આધાર કાર્ડ નકલ
  • રહેઠાણનો પુરાવો (વીજળી બિલ, લાયસન્સ, ચૂંટણી કાર્ડ, રેશન કાર્ડ, ભાડા કરાર પૈકી કોઈ એક)
  • ધોરણ-10 અને આગળના અભ્યાસની તમામ માર્કશીટ (ટકાવારી દર્શાવતી)
  • ધોરણ-12નું બોનાફાઈડ પ્રમાણપત્ર
  • પ્રવેશ લેનાર સંસ્થાનું બોર્ડ દર્શાવતો ફોટો
  • સંસ્થાનું નિયત પ્રમાણપત્ર (પોર્ટલ પર ઉપલબ્ધ)
  • તાલીમ પૂર્ણ થયાનું પ્રમાણપત્ર (તાલીમ સહાય માટે)
  • ફી ભર્યાની પહોંચ (તાલીમ સહાય માટે)
  • બાયોમેટ્રિક હાજરીની હાર્ડ કૉપિ (જિલ્લા કચેરીમાં જમા કરાવવી)
  • બેંક પાસબૂકની પ્રથમ પાનાની નકલ / રદ કરેલ ચેક (તાલીમ સહાય માટે)

ફોર્મ અને એપ્લિકેશન